旅遊攻略—高岡
上回講到去氷見可以食到好新鮮既刺身，但仲有半日既行程，可以去邊呢？高岡其實都係一們好既選擇，反正去氷見都要係高岡轉車，行埋玩埋就更加理所當然啦！高岡其實係多啦A夢作者既故鄉，所以如果你係多啦A夢既fans, 高岡就岩哂你喇！
有新幹線新高岡站出發，乘搭巴士，就可以去到高岡おとぎの公園。係呢個公園入邊，有一個類似社區中心嘅物體，穿過座建築物，就會見有多啦A夢同佢哋成員既公仔。由於人流非常少，你可以逐隻公仔同佢影相。行完呢個公園，就可以坐巴士直接前往高岡站。去到剛剛站，記住要去一樓搵多啦A夢郵筒，因為用呢個郵筒寄信，就會有多啦A夢既stamp。寄完信，仲可以落去地下街，因為有一間由學生營運嘅鋪頭，會有限量版嘅多啦A夢精品賣架。
行完地下街，離開車站，過咗馬路就會見到一排多啦A夢同其他成員嘅銅像，又係一個影相嘅好地方！
如果你唔係多啦A夢嘅fans，你就可以直接有新高岡站搭巴士去高岡站。係轉車去氷見之前，大家仲可以行去高岡大佛參觀一下。日本有三大佛，鎌倉大佛你可能好多人睇過，但高岡大佛你有冇去睇過呢？高岡大佛當年用左超過30年建成。高岡市係日本國內最大銅產品生產地，既然係咁，呢個大佛係咪好值得睇先！
睇完大佛，沿路行返車站，大家可以特別留意下賣昆布嘅鋪頭，因為呢度嘅昆布乾質素非常有保證，而且價錢唔貴，買黎做手信絕對一流！
提提你，搭新幹線落車個站係新高岡，需要轉巴士去高岡站，先可以轉火車前往氷見架！
Search